ஊடகவியலாளர்களுக்கு சான்றிதழ் வழங்கும் நிகழ்வு

(கவிசுகி)
யாழ். பல்கலைக்கழக ஊடகவளப் பயிற்சி நிலையத்தினால் கடந்த இரு வாரங்களாக நடத்தப்பட்டு வந்த 'ஊடகவியலில் புலனாய்வும் அரசியலும்' என்னும் குறுங்காலப் பயிற்சி நெறியில் கலந்து கொண்டோருக்கான சான்றிதழ் வழங்கும் நிகழ்வு இன்று வியாழக்கிழமை யாழ். பல்கலைக்கழக ஊடக வள பயிற்சி நிலையத்தில் நடைபெற்றது.

பல்கலைக்கழக ஊடக வள பயிற்சி நிலையப் பணிப்பாளர் எஸ்.தேவானந்தா தலைமையில் நடைபெற்ற இந்நிகழ்வில் குறுங்கால பயிற்சி நெறியில் பங்கேற்ற மாணவர்கள்,  ஊடகத்துறை சார்ந்தோர் மற்றும் ஆர்வலர்கள் ஆகியோர் சான்றிதழ் வழங்கிக் கௌரவிக்கப்பட்டனர்.

இந்நிகழ்வில் வளவாளரான நமிபிய நாட்டைச் சேர்ந்த சர்வதேச ஊடகவியலாளர் வில்லி ஒலிவியே மற்றும் யாழ். பல்கலைக்கழக பேராசிரியர்கள், விரிவுரையாளர்களும் கலந்துக்கொண்டனர்.