நன்னடத்தை பாடசாலையிலிருந்து இரண்டு சிறுவர்கள் மாயம்

-செல்வநாயகம் கபிலன் 

அச்சுவேலியில் அமைந்துள்ள அரசசான்று பெற்ற நன்னடத்தை பாடசாலையில் தங்கியிருந்த இரண்டு சிறுவர்களை புதன்கிழமை(25) மாலை முதல் காணவில்லையென இல்ல உத்தியோகத்தரால் முறைப்பாடு பதிவு செய்யப்பட்டுள்ளதாக அச்சுவேலி பொலிஸார் தெரிவித்தனர். 

நெடுங்கேணி பகுதியை சேர்ந்த சித்திரவேல் சிந்துஜன் (வயது 15), மன்னார், வங்காலையைச் சேர்ந்த கணபதிபிள்ளை விஜயகாந் (வயது16) ஆகிய இரண்டு சிறுவர்களே காணாமல் போயுள்ளனர்.

இந்த இரண்டு சிறுவர்களும் நீதிமன்ற உத்தரவுக்கமைய சிறுவர் இல்லத்தில் தங்கவைக்கப்பட்டிருந்தனர்.
முறைப்பாட்டின் பிரகாரம் மேலதிக விசாரணைகளை மேற்கொண்டு வருவதாக பொலிஸாரர் கூறினர்.