வீட்டை உடைத்து நகைகள் கொள்ளை

-செல்வநாயகம் கபிலன்

யாழ்ப்பாணம் ஊர்காவற்றுறை சூரியவத்தை பகுதியிலுள்ள வீடொன்றில் திங்கட்கிழமை (04) காலை   2 இலட்சத்து 25 ஆயிரம் ரூபாய் பெறுமதியான நகைகள் திருடப்பட்டுள்ளதாக, உரிமையாளர் முறைப்பாடு செய்துள்ளார் என ஊர்காவற்றுறை பொலிஸார் கூறினர்.

வீட்டிலுள்ளவர்கள் யாழ். நகருக்குச் சென்றிருந்த நேரம், வீட்டுக்குள் நுழைந்து அலுமாரியில் வைக்கப்பட்டிருந்த 2 பவுண் சங்கிலி, 2 பவுண் காப்பு, ¾ பவுண் மோதிரம் என்பன திருடப்பட்டுள்ளன.

முறைப்பாட்டின் பிரகாரம் விசாரணைகளை மேற்கொண்டு வருவதாக பொலிஸார் கூறினர்.