விபத்தில் பொலிஸ் உத்தியோகத்தர் படுகாயம்

- செல்வநாயகம் கபிலன்

யாழ். அளவெட்டி பகுதியில் சனிக்கிழமை (20) மாலை இடம்பெற்ற விபத்தில் படுகாயமடைந்த பொலிஸ் உத்தியோகத்தர் யாழ். போதனா வைத்தியசாலையில் அனுமதிக்கப்பட்டுள்ளதாக தெல்லிப்பழை பொலிஸ் நிலைய பொறுப்பதிகாரி ஜ.என்.எஸ்.கஸ்தூரியாராச்சி தெரிவித்தார்.

குறித்த பொலிஸ் உத்தியோகத்தர் மோட்டார் சைக்கிளில் பயணித்துக்கொண்டிருந்தபோது, பின்னால் வந்த பஸ் மோதியதிலேயே அவர் படுகாயமடைந்துள்ளார்.

தெல்லிப்பழை பொலிஸ் நிலையத்தில் கடமையாற்றும் சார்ஜன்டான ஆர்.குருகேஹ (வயது 49) என்பவரே படுகாயமடைந்தார்

மேலதிக விசாரணைகளை மேற்கொண்டு வருவதாக பொலிஸார் கூறினர்.