2ஆம் குறுக்கு தெரு முடக்கப்பட்டது

-என்.ராஜ்

பருத்தித்துறை - இரண்டாம் குறுக்கு தெரு பகுதி, இன்று (11) காலை 6 மணிமுதல் தனிமைப்படுத்தப்பட்டுள்ளது.

அந்தப் பகுதியில், நேற்று (10) எழுமாறாக 60 பேரிடம் முன்னெடுக்கப்பட்ட அதிவிரைவு அன்டிஜன் பரிசோதனையில், 23 பேருக்கு கோரோனா வைரஸ் தொற்றுள்ளமை கண்டறிப்பட்டது.

இதையடுத்து, பருத்தித்துறை சுகாதார மருத்துவ அதிகாரியால், யாழ்ப்பாணம் மாவட்டச் செயலாளர், வடமாகாண சுகாதார சேவைகள் பணிப்பாளர் ஆகியோருக்கு, இப்பகுதியை தனிமைப்படுத்துமாறு; கோரிக்கை முன்வைக்கப்பட்டது.

இந்த கோரிக்கைக்கமைய, பருத்தித்துறை - இரண்டாம் குறுக்குத் தெருவில் 53 குடும்பங்களை உள்ளடக்கிய பகுதி, இன்று (11)  காலை 6 மணி முதல் தனிமைப்படுத்தப்பட்டது.