அதிகாலையில் இளைஞன் மீது வாள்வெட்டு

-எம். றொசாந்த்

யாழ்ப்பாணம் - அளவெட்டி மேற்கு பகுதியில் உள்ள வீடொன்றுக்குள், இன்று (28) அதிகாலை புகுந்த வாள் வெட்டுக்குழு, வீட்டில் இருந்த இளைஞன் மீது வாள்வெட்டுத் தாக்குதலை மேற்கொண்டுவிட்டு தப்பிச் சென்றுள்ளது.

அத்துடன், அக்குழுவினர் வீட்டில் இருந்த பொருள்களை அடித்து நொறுக்கியுள்ளதாகவும், வீட்டு உரிமையாளர் தெரிவித்துள்ளார்.

சம்பவத்தில் காயமடைந்த இளைஞன், தெல்லிப்பளை வைத்தியசாலையில் அனுமதிக்கப்பட்டுள்ளார்.

இந்தச் சம்பவம் தொடர்பில், தெல்லிப்பளை பொலிஸார் விசாரணைகளை முன்னெடுத்து வருகின்றனர்.