கடமையின் போது உயிர்நீத்த பொலிஸ் உத்தியோகத்தர்களுக்கு அஞ்சலி

கடமையின் போது உயிர்நீத்த பொலிஸ் உத்தியோகத்தர்களுக்கு யாழ்ப்பாணத்தில் இன்று (21) அஞ்சலி செலுத்தப்பட்டது.

யாழ்ப்பாண பிராந்திய மூத்த பொலிஸ் அத்தியட்சகர் தினேஷ் கருணாநாயக்க தலைமையில் இன்று (21) காலை யாழ்ப்பாண தலைமைப் பொலிஸ் நிலையத்தில் இந்த அஞ்சலி நிகழ்வு இடம்பெற்றது.

இலங்கை பொலிஸ் சேவையில் கடமையின் போது இதுவரை 3 ஆயிரத்து 124 உத்தியோகத்தர்கள் உயிரிழந்துள்ளனர். அவர்களின் நினைவாக மலர் தூவி, பொலிஸ் மரியாதை செலுத்தப்பட்டது.

இதேவேளை, கடமையின் போது இதுவரை ஆயிரத்து 534 பேர் அங்கவீனமுற்றுள்ளனர் என்பதும் குறிப்பிடத்தக்கது.