கொடியைக் கண்டு எச்சரித்த பொலிஸார்

-எம்.றொசாந்த்

வல்வெட்டித்துறையில் நடைபெறும் வல்வை உதைப்பந்தாட்ட பிரிமியர் லீக் தொடரின் நேற்று  (04) நடைபெற்ற ஆரம்ப நிகழ்வில், அணி ஒன்றின் கொடியில் உறுமும் புலிகளின் சின்னம் பொறிக்கப்பட்டதற்கு, இராணுவத்தினரும் பொலிஸாரும் எச்சரிக்கை விடுத்துள்ளனர்.

வல்வை உதைபந்தாட்ட பிரிமியர் லீக் தொடர், வல்வெட்டித்துறை - ஊரணி மைதானத்தில், நேற்று  (04) ஆரம்பமானது.

இதன்போது, அங்கு ஏற்றப்பட்ட கொடையை அவதானித்த இராணுவத்தினரும் பொலிஸாரும், “உறுமும் புலிகளின் சின்னம் பொறிக்கப்பட்ட கொடியை ஏற்றுவதற்கோ அல்லது காட்சிப்படுத்துவதற்கோ அனுமதிக்க முடியாது” என்று அறிவுறுத்தியுள்ளனர்.