பட்டம் ஏற்றி விளையாடிய சிறுவன் பலி

-என்.ராஜ்

பருத்தித்துறை இன்பருட்டிப் பகுதியில், நேற்று மாலை, பட்டம் ஏற்றி விளையாடிக் கொண்டிருந்த சிறுவன், கிணற்றில் தவறி வீழ்ந்து உயிரிழந்தார்.

அதே இடத்தைச் சேர்ந்த ஜசன் ஆனந்த் (வயது 17) என்ற சிறுவனே, இவ்வாறு உயிரிழந்துள்ளார்.

சிறுவன் கிணற்றில் தவறி வீழ்ந்து சில மணி நேரத்தின் பின்னரே, அவரை கிணற்றிலிருந்து மீட்ட உறவினர்கள் மந்திகை வைத்தியசாலையில் ஒப்படைத்தனர் என்று தெரிவிக்கப்படுகின்றது.