புதிய தளபதி – மாவட்ட செயலாளர் சந்திப்பு

-என்.ராஜ்

யாழ்ப்பாணம் - பலாலி கட்டளைத் தலைமையகத்துக்குட்ட இராணுவத்தின் 51ஆவது படைப்பிரிவின் புதிய கட்டளைத் தளபதி பிரிகேடியர் சுமித் பிறேமலால், யாழ். மாவட்டச் செயலாளர் க.மகேசன் ஆகியோருக்கு இடையிலான சந்திப்பொன்று, மாவட்டச் செயலாகத்தில், இன்று (05) நடைபெற்றது.

இதன்போது, யாழ்.மாவட்டத்தில்   இராணுவத்தினரால் மேற்கொள்ளப்பட்டு வரும் சமூக சேவைகள், சமூக நலத் திட்டங்கள் தொடர்பாகவும் யாழ்ப்பாணம் மாவட்டத்தில் இனிவரும் காலங்களில் மேற்கொள்ளப்பட வேண்டிய அபிவிருத்தித் திட்டங்கள் தொடர்பாகவும் கலந்துரையாடப்பட்டன.

அத்துடன், தற்போது நாட்டில் ஏற்பட்டுள்ள கொரோனா வைரஸ் அச்ச நிலைமையை யாழ்ப்பாணத்தில் எவ்வாறு எதிர்நோக்குவது, சமூகத் தொற்று ஏற்படாமல் எவ்வாறு தடுப்பது போன்ற விடயங்கள் தொடர்பிலும் கலந்துரையாடப்பட்டன.