யாழ்ப்பாணத்தில் நாளை போராட்டம்

-எஸ்.நிதர்ஷன்

யாழ்ப்பாணம் பஸ் நிலையத்துக்கு முன்பாக, நாளை (16) கவனயீர்ப்புப் போராட்டமொன்றுக்கு இலங்கை ஆசிரியர் சங்கத்தால் அழைப்பு விடுக்கப்பட்டுள்ளது.

இலங்கை ஆசிரியர் சங்கத்தின் பொது செயலாளர் ஜோசப் ஸ்டாலின் உள்ளிட்டோரின் சட்டவிரோத கைது, கல்வியில் இராணுவ மயமாக்கல், கல்வியை தனியார் மயப்படுத்தல் ஆகியவற்றுக்கு எதிராகவே, நாளை காலை 10 மணிக்கு, யாழ்ப்பாணம் பஸ் நிலையத்துக்கு முன்பாக, இந்தக் கவனயீர்ப்புப் போராட்டம் ஏற்பாடு செய்யப்பட்டுள்ளது.

அரசின் அடக்குமுறை மற்றும் சர்வாதிகார போக்குக்கு எதிராக முன்னெடுக்கப்படவுள்ள இந்தப் போராட்டத்துக்கு ஆர்வமுடைய அனைவரும் கலந்துகொண்டு வலுசேர்க்குமாறும், ஏற்பாட்டாளர்கள் அழைப்பு விடுத்துள்ளனர்.