வீட்டுக்குள் இருந்து 50 சாராயப் போத்தல்கள் மீட்பு

-எஸ்.நிதர்ஷன், என்.ராஜ், செந்தூரன் பிரதீபன்

இளவாலை பொலிஸ் பிரிவுக்குட்பட்ட பண்டத்தரிப்பு பகுதியில் உள்ள வீடொன்றில் சட்டவிரோதமான முறையில் பதுக்கி வைக்கப்பட்டிருந்த 50 சாராயப் போத்தல்களை, இளவாலைப் பொலிஸார், நேற்று (13) இரவு கைப்பற்றியுள்ளனர்.

கைப்பற்றப்பட்ட சாராயப் போத்தல்கள் ஒவ்வொன்றும் 180 மில்லி லீற்றர் கொள்ளளவைக் கொண்டதெனத் தெரிவித்த பொலிஸார், இதன்போதே, சந்தேகத்தின் பேரில், வீட்டின் உரிமையாளரான 48 வயது நபர் ஒருவர் கைதுசெய்யப்பட்டுள்ளதாகவும் கூறினர்.