ஹெரோய்னுடன் ஒருவர் கைது

-செந்தூரன் பிரதீபன், எஸ்.நிதர்ஷன்

இளவாலை பொலிஸ் பிரிவுக்குட்பட்ட பண்டத்தரிப்பு பகுதியில், 2 கிராம் ஹெரோய்ன் போதைப்பொருளுடன் 36 வயது பெண் ஒருவர் கைது செய்யப்பட்டுள்ளதாக, பொலிஸார் தெரிவித்தனர்.

குறித்த பெண் தொடர்ச்சியாக ஹெரோய்ன் விற்பனையில் ஈடுபட்டு வருவதாக, விசாரணையில் இருந்து தெரியவந்துள்ளது.

அவரிடம் இருந்து 2 கிராம் ஹெரோய்ன் மீட்கப்பட்டுள்ளதாகத் தெரிவித்த பொலிஸார், அவரை மல்லாகம் நீதவான் நீதிமன்றத்தில் முற்படுத்த நடவடிக்கை எடுத்துள்ளதாகவும் கூறினர்.