சுதந்திரக் கட்சியில் எஹியா இணைவு

Super User / 2013 ஜூலை 25 , மு.ப. 02:13 - 0 - {{hitsCtrl.values.hits}}

-றிப்தி அலி, எம்.எஸ்.முஸப்பிர்

ஸ்ரீலங்கா முஸ்லிம் காங்கிரஸின் முன்னாள் வட மேல் மாகாண சபை உறுப்பினரான எஹியா ஆப்தீன் ஸ்ரீலங்கா சுதந்திரக் கட்சியில் இணைந்துகொண்டுள்ளார்.

நாடாளுமன்றத்தில் நேற்று புதன்கிழமை இடம்பெற்ற நிகழ்வொன்றின்போது பொருளாதார அமைச்சர் பஷில் ராஜபக்ஷவிடமிருந்து ஸ்ரீலங்கா சுதந்திர கட்சியின் அங்கத்துவத்தை பெற்றுள்ளார்.

இந்த நிலையில், நடைபெறவுள்ள வடமேல் மாகாண சபைத் தேர்தலில் ஆளும் ஐக்கிய மக்கள் சுதந்திர கூட்டமைப்பு சார்பாக போட்டியிடவுள்ளதாகவும் எஹியா ஆப்தீன் தெரிவித்தார்.

கடந்த பல வருடங்களாக ஸ்ரீலங்கா முஸ்லிம் காங்கிரஸின் வட மேல் மாகாண சபை உறுப்பினராக செயற்படும் இவர், ஸ்ரீலங்கா முஸ்லிம் காங்கிரஸின் அதியுயர் பீட உறுப்பினரும் புத்தளம் மாவட்ட அமைப்பாளர் என்பதும் குறிப்பிடத்தக்கது.

இதற்கிடையில், 13ஆவது திருத்தச் சட்ட மூலத்திற்கு எதிராக வடமேல் மாகாண சபையில் வாக்களித்தமையினால் ஸ்ரீலங்கா முஸ்லிம் காங்கிரஸிலிருந்து இடைநிறுத்திவைக்கப்பட்டார்.

பின்னர் இடம்பெற்ற அதியுயர் பீட கூட்டத்தில் பொது மன்னிப்பு கோரியதையடுத்து மீண்டும் ஸ்ரீலங்கா முஸ்லிம் காங்கிரஸிற்குள் உள்வாங்கப்பட்டமை குறிப்பிடத்தக்கது. இது தொடர்பாக தமிழ்மிரர் இணையத்தளத்திற்கு எஹியா ஆப்தீன் கருத்துத் தெரிவிக்கையில்,

"கடந்த 15 வருடங்களாக நான் மாகாண சபை உறுப்பினராக இருந்துள்ளேன்.வட மேல் மாகாண சபையில் ஐந்தாக காணப்பட்ட முஸ்லிம் காங்கிரஸின் பிரதிநிதித்துவம் தற்போது மூன்றாக மாறியுள்ளது. இதனை அதிகரிப்பது பற்றி சிந்திக்காது ஒரு பிரதிநிதித்துவத்தை மாத்திரம் பெறக்கூடிய வட மாகாண சபை தேர்தல் பற்றியே முஸ்லிம் காங்கிரஸ் தொடந்து சிந்திக்கின்றது.

ஆளும் ஐக்கிய மக்கள் சுதந்திரக் கூட்டமைப்பு அரசாங்காத்தின் பங்காளி கட்சியாக இருந்துகொண்டு தேர்தல்களில் முஸ்லிம் காங்கிரஸ் தனித்துப் போட்டியிடுவது சிறந்ததல்ல. இதன் காரணமாக நாங்கள் வடமேல் மாகாண சபையில் கடுமையாக புறக்கணிக்கப்பட்டோம்.

இந்த புறக்கணிப்பு தொடந்து இடம்பெறக்கூடாது. கிழக்கு மாகாண சபை தேர்தலில் முஸ்லிம் காங்கிரஸ் தனித்து போட்டியிட்டது. இதன்போது அரசாங்கத்தை விமர்ச்சி வாக்குகளை பெற்றது. பின்னர் அரசாங்கத்துடன் இணைந்துகொண்டது. இதன் மூலம் குறித்த பிரதேச மக்களை ஏமாற்றியுள்ளது.

இது போன்ற செயற்பாட்;டினையே வட மேல் மாகாணத்தில் மேற்கொள்ளவுள்ளது. முஸ்லிம் காங்கிரஸின் வருகைக்கு பின்னரே புத்தளத்தின் முஸ்லிம் நாடாளுமன்ற பிரதிநிதித்துவம் இல்லாமல் செய்யப்பட்டுள்ளது. இவ்வாறான நிலையில் தொடந்து முஸ்லிம் காங்கிரஸிலிருந்துகொண்டு புத்தளம் மாவட்ட மக்களுக்கு எந்தவித சேவைகளையும் வழங்க முடியாது. இதனாலேயே அரசாங்கத்துடன் இணைந்துகொண்டேன்" என்றார்.

Comments - 0

linnas Thursday, 25 July 2013 06:23 AM

நீங்க மாகாண சபையில் இருந்தது எதுக்காக?

Reply : 0 0

AMBI. Thursday, 25 July 2013 10:00 AM

ஐயா, ஆப்புத்தீனு... நீங்கள் எல்லோரும்தானே சொன்னீங்கோ, அறிக்கை காங்கிரசுதான் முஸ்லிம்களின் குரல் என்றும், முஸ்லிம்களின் உரிமை என்றும். இப்போ என்ன ஆச்சு.? என்ன ஆச்சு.? ஒங்கட தலை எங்கே?

Reply : 0 0

Kadayamottaiurran Tuesday, 30 July 2013 11:47 AM

Mr. yahiya forgot the past, when he wanted to enter the political, UNP Mr. Riyas and UPFA Mr. Ansar did not allow him to these major parties. But SLMC only gave him a chance to him, then he become as vice president at kalpitiya pradasiya saba.
And also he doesn't have any policy or political view, only need to be a member in any way. Last time SLMC was with UNP, so he agreed to be a candidate knowing that UNP supporter's polls will help to become a member but this time SLMC wanted not to join with any other party, then he understood that he can't win when SLMC wanted contest alone immediately jumped to UPFA.
So it's shows his real political suicide science there are 3 UPFA Muslim candidates (Mr. Riyas, Mr. Thair and Mr. Kamarudeen)

Reply : 0 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .