23 வர்த்தக நிலையங்களுக்கு எதிராக வழக்கு

கற்பிட்டி பிராந்திய சுகாதார வைத்திய அதிகாரி காரியாலயத்துக்குட்பட்ட பிரதேசத்தில் 23 வர்த்தக நிலையங்களுக்கு எதிராக வழக்குத் தாக்கல் செய்யப்பட்டுள்ளதாக, கற்பிட்டி பிராந்திய சுகாதார வைத்திய அதிகாரி காரியாலத் தகவல்கள் தெரிவிக்கின்றன.

கற்பிட்டி பிராந்திய சுகாதார வைத்திய அதிகாரி காரியாலயத்துக்குட்பட்ட பிரதேசத்தில், இன்று செவ்வாய்க்கிழமை சகல வர்த்தக நிலையங்களிலும் பொது சுகாதார பரிசோதகர்களால் மேற்கொள்ளப்பட்ட சோதனை நடவடிக்கைகளின் போதே, இந்த நடவடிக்கைகள் மேற்கொள்ளப்பட்டன.

இதன்போது, வர்த்தக நிலையங்களில் சுத்தமின்மை மற்றும் காலாவதியான உணவுப் பண்டங்கள், பொருட்கள் என்பன விற்பனைக்காக வைத்திருந்தமை உள்ளிட்ட குற்றச்சாட்டின் கீழ், குறித்த வர்த்தக நிலையங்களுக்கு எதிராக வழக்குத் தாக்கல் செய்யப்பட்டுள்ளமை குறிப்பிடத்தக்கது.