65 பேர் வெளியில் நடமாட நீதிமன்றம் தடை

ஜூட் சமந்த

இத்தாலி உள்ளிட்ட நாடுகளில் இருந்து வருகைதந்த 65 பேர், அத்தியாவசியத் தேவைகளுக்காக அன்றி வேறு  தேவைகளுக்காக 14 தினங்கள் வரை,  வெளியில்   செல்ல வேண்டாமென, மாரவில மாவட்ட நீதவான் ஹேஷந்த  தடை உத்தரவு பிறப்பித்துள்ளார்.

நாத்தாண்டிய, கட்டுனேரிய,  மாவில, மாரவில ஆகிய பகுதிகளைச் சேர்ந்தவர்களுக்கே இந்த தடை உத்தரவு பிறப்பிக்கப்பட்டுள்ளது.

நாத்தண்டிய சுகாதார வைத்திய அதிகாரி உபுல் ஜயதிலக்க நீதிமன்றிடம் முன்வைத்த கோரிக்கைக்கமைய, நீதவான் மேற்படி உத்தரவை பிறப்பித்துள்ளார்.

கொரோனா நோய் தொற்று வேகமாக பரவி வரும் நிலையில், இத்தாலி உள்ளிட்ட நாடுகளில் இருந்த வருகைதந்த பலர், தனிமைப்படுத்தல் சிகிச்சையை மேற்கொள்ளாதுள்ளாளமை  குறித்து, சுகாதார வைத்திய அதிகாரி உபுல் ஜயதிலக்க , நீதிமன்றில் முன்வைத்த காரணங்களை ஆராய்ந்தே,  நீதவான் தடை உத்தரவு பிறப்பித்துள்ளார்.