அடிக்கல் நாட்டும் நிகழ்வு

எம்.யூ.எம். சனூன்

புத்தளம் ஸாஹிரா தேசியக் கல்லூரியில் புதிதாக அமைக்கப்படவுள்ள மூன்று மாடி கட்டத்துக்கான அடிக்கல் நாட்டும் நிகழ்வு, இன்று (13) காலை இடம்பெற்றது.

அகில இலங்கை மக்கள் காங்கிரஸின் பிரதித் தலைவரும் நாடாளுமன்ற உறுப்பினருமான எம்.எச்.எம். நவவியின் வேண்டுகோளின் பேரில் கல்வி அமைச்சின் நிதியொதுக்கீட்டில், இக்கட்டடம் அமைக்கப்படவுள்ளது.

நாடாளுமன்ற உறுப்பினர் எம்.எச்.எம். நவவி இந்நிகழ்வில் பிரதம அதிதியாகக் கலந்துகொண்டு அடிக்கல்லினை நாட்டி வைத்தார்.

பிரதி அதிபர்களான றியால்தீன்,  நிஹாரா றியால்தீன், உதவி அதிபர் எஸ்.ஆர்.எம். முஹுசி உள்ளிட்ட பலரும் இந்நிகழ்வில் கலந்துகொண்டனர்.