மாற்றுத்திறனாளிகளுக்கு உதவிகள் வழங்கிவைப்பு

புத்தளம் ஸாஹிரா தேசிய கல்லூரியின் பழைய மாணவர் அமைப்பான சஹீரியன்ஸ் 99 குழுவினர் ஏற்பாடு செய்த மாற்றுத்திறனாளிகளுக்கான உபகரணங்கள் மற்றும் மூக்குக்கண்ணாடிகள் வழங்கும் நிகழ்வுகள், புத்தளம் இபுனு பதூதா மண்டபத்தில் அண்மையில் நடைபெற்றது.

சஹீரியன்ஸ் 99 குழுவினர் இரண்டாவது வருடமாகவும் இந்நிகழ்வை வெற்றிகரமாக நடத்தியுள்ளனர்.

உலகளாவிய ரீதியாக மாற்றுத்திறனாளிகளுக்காக உதவி வரும் ஜேர்மன் நாட்டை சேர்ந்த ஹேன்ஸ் பெட்டர் அன்னாரது துணைவியார் எலிசபத் மற்றும் இலங்கையின் இணைப்பாளர்களான ஜயசிங்க இளங்ககோன், சிதாரத் ஆகியோரின் உதவியுடன் இந்நிகழ்வு நடந்தேறியது.

புத்தளம், கல்பிட்டி, தலுவ, முந்தல், மதுரங்குளி, கனமூலை, நாகவில்லு, வேப்பமடு ஆகிய பிரதேசங்களில் உள்ள மாற்றுத்திறனாளிகள் இதன்மூலம் பயன்பெற்றனர்.