முன்னேஸ்வரம் ஆலயத்துக்கு அருகில் தீ

சிலாபம், முன்னேஸ்வரம் ஆலயத்துக்கு அருகில் அமைந்துள்ள “ரதா பதஹ” என்ற சதுப்பு நிலப்பரப்பில் நேற்று நண்பல் ஏற்பட்ட திடீர் தீயால், சுமார் 15 ஏக்கர் நிலப்பரப்பு முற்றாகத் தீக்கிரையாகியுள்ளதாக, சிலாபம் பொலிஸார் தெரிவித்தனர். 

மழை காலங்களில் நீரில் மூழ்கும் இந்த நிலப்பரப்பினுள் இயற்கையாகவே வளரும் பண், அப்பிரதேசத்தில் வசிக்கும் சிலரது வாழ்வாதாரத்துக்குப் பெரும் பங்களிப்பை வழங்கி வந்தது.

எனினும், தற்போது நிலவும் வரட்சி காரணமாக, இந்த பண் காய்ந்து வரண்டு போயிந்தமை தீ வெகுவாகப் பரவுவதற்குக் காரணமாக அமைந்துள்ளதாகத் தெரிவிக்கப்படுகின்றது.

இவ்வாறு ஏற்பட்ட தீயை, சிலாபம் நகர சபையின் தீயணைக்கும் பிரிவினரும் சிலாபம் பிரதேச செயலக அதிகாரிகளும் இணைந்து கட்டுப்பாட்டுக்குள் கொண்டு வந்தனர்.

இந்தத் தீப்பரவலால் ஏற்பட்ட புகை மண்டலத்தால், சிலாபம் - குருநாகல் வீதியில் வாகனப் போக்குவரத்துக்கு நேற்று மாலை வரை சிறிய தடங்கல்கள் ஏற்பட்டன.