„RDB வீட்டுக்கு வீடு… சேமிப்பு முகவர் சேவை

பிரதேச அபிவிருத்தி வங்கி தனது செயற்பாடுகளைப் புதிய வழிமுறைகளில் மேற்கொள்வதுடன் தன் வாடிக்கையாளர்களுக்கு சேவை வழங்குவதனை மேலும் விஸ்தரிக்கும் நோக்கில் வாடிக்கையாளர்களை வங்கிக்கு வரவழைக்காமல் வங்கி வாடிக்கையாளர்களிடம் சென்று அவர்களின் தேவைகளை நிறைவு செய்யும் “RDB  வீட்டுக்கு வீடு” சேமிப்பு முகவர் சேவையினை அறிமுகப்படுத்தியுள்ளது.

இச் சேவையின் கீழ் வாடிக்கையாளர்கள் வங்கிக்கு வருகைதராமலேயே நாளாந்த வைப்புக்களைச் சேகரித்தல், கடன் தவணைக் கட்டணங்களைக் கட்டுதல், புதிய கணக்குகளை ஆரம்பித்தல் போன்ற அனைத்து வங்கிச் செயற்பாடுகளையும் மேற்கொள்ளலாம். தனது 268 கிளைகளை கொண்ட வலையமைப்பினூடாக விரிவடைந்து அனைத்து சேமிப்பு முகவர்கள் மூலமும் வாடிக்கையாளர்களுக்கு உடனடி சேவை வழங்குவதற்குத் தேவையான நவீன தொழிநுட்ப சாதனம் (palm top) அறிமுகப்படுத்தப்பட்டுள்ளது. அதன் மூலம் அவர்களால் தமது வாடிக்கையாளர்களுக்கு வினைத்திறன் மிக்க மேலும் நம்பிக்கை உடையதும் சரியானதுமான சேவை வழங்க சந்தர்ப்பம் கிட்டியுள்ளது. அதனால் அவர்களுக்கு தமது வைப்பினை வைப்பிலிடுவதற்கும் அதற்கான குறுந்தகவல் (SMS Alert) பெற்றுக்கொள்ளும் வசதியும் வழங்கப்படுகின்றது.  

இச்சேவை மூலம் வர்த்தகர்களுக்கும் நாளாந்த வருமானம் பெறும் வாடிக்கையாளர்களுக்கும் வங்கி வளாகத்துக் செல்லாமலே தமது கொடுக்கல் வாங்கல்களை மேற்கொள்ள சந்தர்ப்பம் கிட்டியுள்ளது. அவ்வாறே வங்கி வாடிக்கையாளர்களுக்கு அண்மித்து செல்வதனால் வாடிக்கையாளர்களுக்கு விரயமாகும் காலத்தையும் பணத்தையும் சேமிக்க முடிவதுடன் தமது வியாபார நடவடிக்கைகளை பாதிக்காத வண்ணம் மேற்கொள்ளும் இயலுமையும் கிடைக்கும். “RDB  வீட்டுக்கு வீடு” சேமிப்பு முகவர் சேவையுடன் தொடர்புபட்ட முகவர்களின் நம்பிக்கையை பெற்றுக்கொள்வதன் ஊடாக வாடிக்கையாளர்கள் அடையும் பயன்கள் எல்லையற்றவை.

அதன் கீழ் அவர்களுக்கு அவசர நிதி தேவைகளுக்கும் சேமிப்பு முகவரின் முன்னறிமுகம் காரணமாக தளர் பிணையில் கடன் வசதியினை பெற்றுக்கொள்ளும் வாய்ப்புக் கிடைக்கும். இவ் வர்த்தகர்களுக்கும், நாளாந்த வருமானமீட்டுவோருக்கும் அவ்வாறே ஏனைய வாடிக்கையாளர்களுக்கும் தமது அவசர நிதித்தேவையினைப் பூர்த்தி செய்துகொள்ள கிடைக்கும் ஓர் பொன்னான வாய்ப்பாகும். எதிர்காலத்திலும் RDB வங்கியால் வீட்டுக்கு வீடு சேவை மேலும் விஸ்தரிக்கப்பட்டு வாடிக்கையாளர்களுக்கு வசதியான மற்றும் வினைத்திறன் மிக்க சேவையும் வழங்க நடவடிக்கைகள் மேற்கொள்ளப்பட்டு வருகின்றன.