COVID-19 நிதியத்துக்கு எயார்டெல் வழங்கிய நன்கொடை

அரசாங்க மற்றும் சுகாதார அதிகாரிகளின் முயற்சிகளுக்கு ஒத்துழைப்பு வழங்கும் வகையில் 'எயார்டெல் லங்கா ஊழியர் நிதியம்' ஊடாக திரட்டப்பட்ட நிதி, தேசிய COVID-19 சுகாதார மற்றும் சமூக பாதுகாப்பு நிதியத்து்கு அண்மையில் நன்கொடையாக வழங்கப்பட்டுள்ளது.

'எயார்டெல் லங்கா ஊழியர் நிதியம்' எயார்டெல் ஊழியர்களினால் மனமுவந்த நன்கொடைகளை வழங்கும் வேலைத் திட்டமாகும். இந்தியா, கென்யா போன்ற நாடுகளிலும் COVID-19க்கு எதிரான போராட்டத்தில் எயார்டெல் நிறுவனம் உலகளாவிய ரீதியில் இதேபோன்ற வேலைத் திட்டங்களை நடைமுறைப்படுத்தியிருந்தமை குறிப்பிடத்தக்கது.

இதுதொடர்பான காசோலை, ஜனாதிபதி செயலகத்தின் நிர்வாக பணிப்பாளர் நாயகம், மேஜர் ஜெனரால் கே.பீ. எகொடவெலவிடம் கையளிக்கப்பட்டது.