‘Hutch Champion’s Challenge’ நிகழ்வில் விருதுகள்

இலங்கையில் இயங்கும் மொபைல் தொலைதொடர்பாடல்கள் சேவை வழங்குநரான Hutch, அண்மையில் ஸ்டைன் ஸ்டூடியோவில் (Stein Studios) இடம்பெற்ற ‘Hutch Champion’s Challenge’ விருது வழங்கும் நிகழ்வில், நிறுவனத்தின் சிறந்த விற்பனைப் பெறுபேறுகளை வெளிப்படுத்தியுள்ள ஆளணியினருக்கு விருது வழங்கி கௌரவித்துள்ளது.   

நாடெங்கிலும் உள்ள 600 இற்கும் மேற்பட்ட Hutch நிறுவனப் பணியாளர்கள், முகவர்கள் மற்றும் முகவர்களின் பணியாளர்கள் இந்நிகழ்வில் கலந்து சிறப்பித்துள்ளனர்.

Hutchison Asia Telecommunications Limited நிறுவனத்தின் செயற்திட்டங்களுக்கான பணிப்பாளரான ஆன் சென், நிகழ்வில் பிரதம அதிதியாகக் கலந்து சிறப்பித்துள்ளதுடன், Hutch நிறுவனத்தின் சிரேஷ்ட முகாமைத்துவ அதிகாரிகளும் நிகழ்வில் கலந்து சிறப்பித்துள்ளனர்.  

2017 ஆம் ஆண்டில் விற்பனைத் துறையில் மிகச் சிறந்த பெறுபேறுகளை வெளிப்படுத்தியுள்ள முகவர் விற்பனை அணிகளுக்கு இந்நிகழ்வில் இனங்காணல் அங்கிகாரம் அளிக்கப்பட்டுள்ளது.