வடக்கு மாகாண பண்பாட்டு பெருவிழா

Gavitha / 2014 நவம்பர் 02 , மு.ப. 07:00 - 0 - {{hitsCtrl.values.hits}}

-நவரத்தினம் கபில்நாத்

வட மாகாண பண்பாட்டலுவல்கள் திணைக்களம், கல்வி பண்பாட்டலுவல்கள், விளையாட்டுத்துறை மற்றும் இளைஞர் விவகார அமைச்சால் ஏற்பாடு செய்யப்பட்ட வடக்கு மாகாண பண்பாட்டு பெருவிழா சனிக்கிழமை (01) வவுனியா தமிழ் மத்திய மகாவித்தியாலயத்தில் நடைபெற்றது.

வன்னியூர் கவிராயர் அரங்கில், இலங்கைத்தமிழ் கலை இலக்கியத்துறைகளில் நிலைமாற்றத்துக்கான நகர்வுகள் எனும் தலைப்பில் ஆய்வரங்காக, காலை நிகழ்வுகளை வட மாகாண கல்வி அமைச்சின் செயலாளர் சி. சத்தியசீலன் ஆரம்பித்து வைத்தார்.

இதன்போது வரவேற்புரையை செல்வி சே. செல்வசுகுணா வழங்க, அரங்க திறப்புரையை தமிழருவி த. சிவகுமாரன் நடத்த நிகழ்வுக்கான தலைமையை அருட்தந்தை தமிழ்நேசன் அடிகளார் வழங்கியிருந்தார்.

இதேவேளை 2013ஆம் ஆண்டில் நடைபெற்ற ஆய்வுக்கட்டுரைகளின் தொகுப்பு அடங்கிய இலங்கை தமிழ் இலக்கியங்களினூடாக மொழித்திறனும் இலக்கியப்பயில்வும் எனும் நூல் வெளியீடும் இடம்பெற்றிருந்தது.

இதேவேளை மாலை நேர நிகழ்வுகள் மாலை 3 மணிக்கு கலை நிகழ்வுகளாக வவுனியா இறம்பைக்குளம் மகளிர் கல்லூரியில் கலாபூசணம் பொ. கனகரத்தினம் அரங்கில் இடம்பெற்றது.

வட மாகாண பண்பாட்டலுவல்கள் அமைச்சின் பணிப்பாளர் திருமதி உசா சுபலிங்கம் தலைமையில் இடம்பெற்ற இந்நிகழ்வுகளில், பிரதம விருந்தினராக இந்திய துணைத்தூதரகத்தின் பிரதி துணைத்தூதர் சு. தட்சணாமூர்த்தி பிரதம விருந்தினராக கலந்து சிறப்பித்திருந்தார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .