போக்குவரத்து நெருக்கடியில் வன்னேரிக்குளம் மாணவர்கள்

-நடராசா கிருஸ்ணகுமார்

கிளிநொச்சி வன்னேரிக்குளம் மகா வித்தியாலய மாணவர்கள் போக்குவரத்து நெருக்கடியினை எதிர்கொண்டுள்ளனர்.

கிளிநொச்சி மேற்கின் கரைச்சி பிரதேச செயலர் பிரிவில் அமைந்துள்ள இக்கிராமம் 1953ஆம் ஆண்டு உருவாக்கப்பட்டது.

இக்கிராமத்தில் 1954ஆம் ஆண்டு உருவாக்கப்பட்ட வன்னேரிக்குளம் மகா வித்தியாலயத்துக்கு போக்குவரத்து பெரும் நெருக்கடியாகவுள்ளது.

கிளிநொச்சியிலிருந்து வன்னேரிக்குளம் மருத்துவமனை வழியாக முழங்காவில் வரை பஸ்கள் பயணிக்கின்றன. வன்னேரிக்குளம் மருத்துவமனையிலிருந்து ஒரு கிலோமீற்றர் தூரத்திலுள்ள பாடசாலைக்கு பஸ்கள் பயணிப்பதில்லை.

இதன் காரணமாக மாணவர்களும் ஆசிரியர்களும் நடந்தே செல்லவேண்டிய நிலை காணப்படுகின்றது. இந்நிலையில் வன்னேரிக்குளம் மகா வித்தியாலயம் வரை பஸ் வழித்தடத்தை வழங்குமாறு வன்னேரிக்குளம் கிராம அபிவிருத்திச் சங்கமும் பெற்றோர்களும் கோரிக்கை விடுத்துள்ளனர்.