இளைஞன் மீது கத்திக்குத்து

-நவரத்தினம் கபில்நாத்

வவுனியா - யாழ். வீதியில் சுகாதார வைத்திய அதிகாரி பணிமனைக்கு முன்பாக உள்ள பஸ் தரிப்படத்தில் நின்ற இளைஞன் மீது முச்சக்கரவண்டியில் வந்த சிலர் கத்திக்குத்தை மேற்கொண்டதில் அவ்விளைஞன் படுகாயமடைந்த நிலையில், வைத்தியசாலையில் அனுமதிக்கப்பட்டுள்ளார்.
 
இச்சம்பவம் இன்று வியாழக்கிழமை (23) மாலை 2.30 மணியளவில் இடம்பெற்றுள்ளது. 100 மீற்றர் தூரத்துக்கும் குறைவாக பொலிஸ் காவலரண் அமைந்துள்ள மக்கள் நடமாட்டம் அதிகமுள்ள பகுதியிலேயே இச்சம்பவம் இடம்பெற்றுள்ளது.

வவுனியா வைத்தியசாலையில் அனுமதிக்கப்பட்ட மேற்படி இளைஞன், மேலதிக சிகிச்சைகளுக்காக கொழும்பு தேசிய வைத்தியசாலைக்கு மாற்றப்பட்டுள்ளதாக வைத்தியசாலை தகவல்கள் தெரிவித்தன.