இருவேறு விபத்துகளில் மூவர் காயம்

-மு.தமிழ்ச்செல்வன்

கிளிநொச்சியில், நேற்றும் (02) இன்றும் (03) இடம்பெற்ற விபத்துகளில் மூவர் காயமடைந்துள்ளனர். இதில் ஒருவர் மேலதிக கிசிச்சைக்காக யாழ். போதனா வைத்தியசாலைக்கு மாற்றப்பட்டுள்ளார்.

நேற்று (02) இரவு, கிளிநொச்சி வைத்தியசாலைக்கு முன்பாக ஏ9 பிரதான  வீதியில், பாரவூர்தியும் மோட்டார் சைக்கிளும் மோதி விபத்துக்குள்ளானதில்,  மோட்டார் சைக்கிளில் பயணித்தவர் காயமடைந்தார்.

இவ்வாறு காயமடைந்தவர், கிளிநொச்சி மாவட்ட வைத்தியசாலையில் அனுமதிக்கப்பட்டு, மேலதிக சிகிச்சைக்காக யாழ். போதனா வைத்தியசாலைக்கு மாற்றப்பட்டுள்ளார்.

இதேவேளை, இன்று (03) காலை கிளிநொச்சி டிப்போ வீதியில்  ரயில் நிலைய கடவைக்கு அருகில், ஓட்டோ மற்றும் மோட்டார் சைக்கிள் மோதி விபத்துக்குள்ளானதில், ஓட்டோ குடைசாய்ந்ததோடு, சிறுவர்கள் இருவர் சிறு காயமடைந்துள்ளனர்.