கடும் மழை: இயல்பு வாழ்க்கை பாதிப்பு

-சுப்பிரமணியம் பாஸ்கரன்

கிளிநொச்சி மாவட்டத்தில் பெய்த கடும் மழை காரணமாக மக்களின் இயல்பு வாழ்க்கை பாதிக்கப்பட்டுள்ளது. கடந்த மூன்று நாட்களாகப் பெய்துவரும் கனமழை காரணமாக பலபகுதிகள் வெள்ளத்தில் மூழ்கின.

பொன்னகர், முறிகண்டி, செல்வபுரம் உள்ளிட்ட கிராமங்களில் வெள்ள நீர் மக்களின் வீடுகளுக்குள் சென்றுள்ளது.

அக்கராயன் - முறிகண்டி வீதி வெள்ளம் நிறைந்து காணப்பட்டமையால் போக்குவரத்து பாதிக்கப்பட்டுள்ளது.

முல்லைத்தீவு மாவட்டத்தின் எல்லைக் கிராமங்களான முறிகண்டி, செல்வபுரம், வசந்தநகர் ஆகிய கிராமங்களுக்கான வடிகால் வசதிகள் உரியமுறையில் செய்யப்படாமையால் மக்கள் பெரிதும் பாதிக்கப்பட்டுள்ளனர்.