காணாமற்போனவர் சடலமாக மீட்பு

-க. அகரன்

வவுனியா - கள்ளிக்குளம் பகுதியிலுள்ள பற்றைக்குள்ளிலிருந்து, இன்று (10) காலை எரியூட்டப்பட்ட நிலையில் சடலமொன்று மீட்கப்பட்டுள்ளது.

இவ்வாறு சடலமாக மீட்கப்பட்டவர், வவுனியாவில் செவ்வாய்க்கிழமை (08) முதல் காணாமற்போயிருந்த சின்னப்புதுக்குளம் பகுதியைச் சேர்ந்த சுகந்தன் (வயது 27) என அடையாளங்காப்பட்டுள்ளார்.

குறித்த குடும்பஸ்தர், இறுதியாக வவுனியா - கள்ளிகுளம் பகுதியில் நின்றுள்ளதாக, அவரது அலைபேசி தரவுகள் (ஜிபிஎஸ்) வெளிக்காட்டியுள்ளதாக, வவுனியா பொலிஸார் தெரிவித்தனர்.

சம்பவம் தொடர்பில், வவுனியா தடயவியல் பொலிஸார் விசாரணைகளை முன்னெடுத்து வருகின்றனர்.