காற்றால் மின்சாரம் தடை

-மு.தமிழ்ச்செல்வன், எஸ்.என்.நிபோஜன், சுப்பிரமணியம் பாஸ்கரன்

கிளிநொச்சி மாவட்டத்தில், நேற்று (21) காலை முதல் வீசிய பலத்த காற்று காரணமாக, பூநகரி - குடமுருட்டி பகுதியில் உள்ள மினம்பங்கள் முறிந்து வீழ்ந்தன. இதனால் ஆறு மின்கம்பங்கள் முற்றாகச் சேதமடைந்துள்ளன.

இதன் காரணமாக, பூநகரிப் பிரதேசத்தில் உள்ள பல கிராமங்களுக்கு மின்சாரம் தடைப்பட்டது.

இதேவேளை, கிளிநொச்சி - இரத்தினபுரம் சித்தி விநாயகர் கோவிலுக்கு முன்பாகக் காணப்பட்ட பாரிய பாலை மரமொன்று வீழ்ந்ததன் காரணமாக, இரண்டு மின் கம்பங்கள் சேதமடைந்தமையால், வட்டக்கச்சி, இராமநாதபுரம் பகுதிகளுக்கான மின்சாரம் முற்றாகத் தடைப்பட்டது. அத்துடன், போக்குவரத்தும் பாதிக்கப்பட்டது.