கிராமசேவகர் இடமாற்றத்தை கண்டித்து ஆர்ப்பாட்டம்

க.அகரன்

வவுனியா - ஓமந்தை, மருதங்குளம் கிராமசேவகர் இடமாற்றப்படுவதற்கு எதிர்ப்புத் தெரிவித்து, அப்பகுதி மக்களால், மருதங்குளம் கிராமசேவகர் காரியாலயத்துக்கு முன்பாக , இன்று (17) காலை 9 மணிக்கு, ஆர்ப்பாட்டமொன்று முன்னெடுக்கப்பட்டது.

இதன்போது கருத்துரைத்த அப்பகுதி மக்கள், கிராமசேவகர் நியமிக்கப்பட்டு இரண்டரை வருடங்கள் கூட பூர்த்தி செய்யப்படுவதற்கு முன்பாக மாற்றப்படுகின்றாரெனவும் அவர் தமது கிராமசேவகர் பிரிவில் சிறப்பான முறையில் இரவு - பகல் பாராது நேர்மையாக பணியாற்றியுள்ளாரெனவும் கூறினர்.

தமது கிராமத்தில், கிரவல் அகழ்வு பணியில் ஈடுபடும் தனிப்பட்ட ஒருவருக்காக சில அரசியல் கட்சிகளின் செல்வாக்கை வைத்துக்கொண்டு, அடாத்தான முறையில் இவர் இடமாற்றப்படுவதை ஏற்கமுடியாதெனத் தெரிவித்த அப்பகுதி மக்கள்,  தனிப்பட்ட ஒருவர் மண் அகழ்வதற்கு கிராமசேவகர் அனுமதி வழங்காத காரணத்தாலேயே, அவர் இடமாற்றப்படுவதாக தாம் சந்தேகிப்பதாகவும் கூறினர்.