கிளிநொச்சியில் விபத்து: இரு பிள்ளைகளின் தாய் பலி

(ரொமேஷ் மதுஷங்க)
கிளிநொச்சியில் இன்று (11) காலை இடம்பெற்ற விபத்தில் இரு பிள்ளைகளின் தாயொருவர் பலியானதுடன் மேலும் ஒருவர் படுகாயங்களுக்கு உள்ளான நிலையில் வைத்தியசாலையில் அனுமதிக்கப்பட்டுள்ளார்.

கிளிநொச்சி, பரந்தன் வீதியில் பயணம் செய்தி சொகுசு வான் ஒன்று வேகத்தை கட்டுப்படுத்த முடியாமல் அருகில் இருந்த மரத்துடன் மோதி விபத்துக்குள்ளாகியுள்ளது. இதன்போது, வீதியில் துவிச்சக்கர வண்டியில் பயணம் செய்த பெண்ணொருவர் மீது வான் மோதியுள்ளது.

இச்சம்பவத்தில் வாகனத்தின் சாரதியும், பெண்ணும் கடும் காயங்களுக்கு உள்ளான நிலையில் கிளிநொச்சி வைத்தியசாலையில் அனுமதிக்கப்பட்டுள்ளனர். எனினும் சிகிச்சை பலனின்றி குறித்த பெண் பலியானதாக கிளிநொச்சி பொலிஸார் தெரிவித்தனர்.

இச்சம்பவத்தில் உயிரிழந்தவர் சிவக்குமார் ஜெகதம்பாள் (47) என்ற இரு பிள்ளைகளின் தாய் என ஆரம்ப கட்ட விசாரணைகளில் இருந்து தெரியவந்துள்ளது.