’குறைபாடுகள் தொடர்பில் கலந்துரையாடுவேன்’

-சுப்பிரமணியம் பாஸ்கரன், மு.தமிழ்ச்செல்வன்

கிளிநொச்சி - அறிவியல் நகரில் அமைந்துள்ள இலங்கை ஜேர்மன் தொழில்நுட்பக் கல்லூரியின் குறைபாடுகள் தொடர்பில் கலந்துரையாடவுள்ளதாக, அமைச்சர் டக்ளஸ் தேவானந்தா தெரிவித்தார்.

கிளிநொச்சி – அறிவியல் நகரில் அமைந்துள்ள இலங்கை ஜேர்மன் தொழில் பயிற்சி நிலையத்துக்கு, இன்று (18) விஜயம் மேற்கொண்ட அமைச்சர் டக்ளஸ் தேவானந்தா, அங்கு மாணவர்கள் மத்தியில் கருத்துரைத்த போதே, அவர் இவ்வாறு தெரிவித்தார்.

இது குறித்துத் தொடர்ந்துரைத்த அவர், தொழில்நுட்பக் கல்லூரியின் குறைபாடுகள் தொடர்பில், துறைசார்ந்த அமைச்சர்களுடன் கலந்துரையாடியிருப்பதாகவும் தெரிவித்தார்.

மாணவர்கள் தங்களுடைய கல்விச் செயற்பாட்டை நம்பிக்கையுடன் முன்னெடுக்குமாறுத் தெரிவித்த அவர், சம்பந்தப்பட்ட அமைச்சரைச் சந்தித்து இது தொடர்பில் கலந்துரையாடவுள்ளதாகவும் கூறினார்.