சேவைக் காலத்தை நிறைவு செய்தார் கட்டளைத் தளபதி

-செ.கீதாஞ்சன்

முல்லைத்தீவு மாவட்டத்தின் பாதுகாப்பு படைத் தளபதியாக செயற்பட்ட மேஜயர் ஜெனரல் துஸ்யந்த ராஜகுரு, நேற்று முன்தினம் (14) தனது சேவையினை நிறைவு செய்துள்ளார்.

இதனை முன்னிட்டு, அவருக்கான அணிவகுப்ப மரியாதை செலுத்தப்பட்டுள்ளது.

2017ஆம் ஆண்டு தொடக்கம் முல்லைத்தீவு மாவட்ட பாதுகாப்பு படைத்தளபதியாக செயற்பட்ட இவருக்கான படையினரின் அணிவகுப்ப மரியாதை, நேற்று முல்லைத்தீவு மாவட்ட படைத்தலைமையகத்தில் நடைபெற்றது.

முல்லைத்தீவு மாவட்ட  பாதுகாப்பு படைத்தளபதியாக இவர் இருந்த காலத்தில் மாவட்டத்தின் பாதுகாப்பு மற்றும் மக்களிடையேயான நல்லிணக்கத்தையும் படைவீரார்களுக்கான தேவைகளையும் பூர்த்தி செய்துள்ளார்.