மன்னாரில் விசேட கலந்துரையாடல்

-எஸ்.றொசேரியன் லெம்பேட்

ஜனாதிபதியின் பணிப்பின் பேரில், நாட்டில் நடைமுறைப்படுத்தப்படவுள்ள 1 இலட்சம் வேலைவாய்ப்பு வழங்குதல் தொடர்பாகவும் தெரிவு செய்யப்பட்டவர்களுக்குப் பயிற்சிகள் வழங்குவது  தொடர்பாகவும் முடிவுகளை மேற்கொள்ளும் விசேட கலந்துரையாடலொன்று, நேற்று (10) காலை 11 மணியளவில், மன்னார் மாவட்டச் செயலகத்தில், மாவட்ட  மேலதிகச் செயலாளர் எஸ்.குணபாலன் தலைமையில்  நடைபெற்றது.

இதன்போது, 1 இலட்சம் வேலைவாய்ப்புகள் வழங்கும் திட்டத்தின் மேற்பார்வை குழுவின் அங்கத்தவர்களும் அதற்கான பொறுப்பு அதிகாரி மெஜர் மொகான் உள்ளிட்ட பலரும் கலந்துகொண்டனர்.

அதன் அடிப்படையில், 1 இலட்சம் வேலைவாய்ப்புத் திட்டத்தின் கீழ் மன்னார் மாவட்டத்தில் தெரிவுசெய்யப்படவுள்ள 1,830 பேருக்கான பயிற்சிகள் மற்றும் அவர்களுக்கான மேலதிக தகமைகளை வலுப்படுத்தல் தொடர்பாக, வருகை தந்த அதிகாரிகளுடன் கலந்தாலோசிக்கப்பட்டமை குறிப்பிடத்தக்கது.