மரத்தில் ஏறி போராட்டம் நடத்திய முதியவர் கைது

-எஸ்.என்.நிபோஜன், மு.தமிழ்ச்செல்வன் 

கிளிநொச்சி நீதவான் நீதிமன்ற வளாகத்தில், பொலிஸார் இலஞ்சம் பெறுவதாகத் தெரிவித்து, மரத்தில் ஏறி போராட்டம் நடத்திய முதியவர், நேற்று (03) மாலை கைதுசெய்யப்பட்டுள்ளார்.

நீதிமன்றத்தை அவமதித்தமை மற்றும் நீதிமன்றச் செயற்பாடுகளுக்கு இடையூறு விளைவித்தமை ஆகிய குற்றச்சாட்டின் கீழேயே, குறித்த முதியவர் கைதுசெய்யப்பட்டுள்ளார்.   

அத்துடன், முதியவாரால் குற்றஞ்சாட்டப்பட்ட கிளிநொச்சி பொலிஸ் நிலையத்தில் உள்ள பொலிஸ் உத்தியோகத்தர் ஒருவர் , வடமாகாண சிரேஷ்ட  பிரதிப் பொலிஸ்மா அதிபர் ரொஷான் பெர்ணான்டோவினால் எவ்வித விசாரணைகளும் இன்றி, இன்று (04) காலை நெடுந்தீவுக்கு இடமாற்றம் செய்யப்பட்டுள்ளமை குறிப்பிடத்தக்கது.