முல்லைத்தீவில் சோதனை நிலையங்கள்

நாட்டில் ஏற்பட்டுள்ள ஊரடங்கு சட்டத்தினை தொடர்ந்து முல்லைத்தீவு மாவட்டத்துக்கு செல்லும் வழிகள் அனைத்திலும் பொலிஸ் மற்றும் ,படையினரின் சோதனை நிலையங்கள் அமைக்கப்பட்டுள்ளன.

முல்லைத்தீவு மாவட்டத்துக்கு பரந்தன் ஊடாக செல்லும் வழியில் தேராவில் பகுதியில் ஒரு சோதனை நிலையமும், திம்புலி சந்தி பகுதியில் படையினரின் சோதனை நிலையமும் அமைக்கப்பட்டுள்ளது.

அத்துடன், நெடுங்கேணி ஊடாக ஒட்டுசுட்டான் வீதி வழியாக செல்லும் வீதியில் ஒரு சோதனை நிலையமும் மன்னாகண்டல் பகுதியிலும், மாங்குளம் ஒட்டுசுட்டான் வீதியிலும், முள்ளியவளை முல்லைத்தீவு வீதியிலும் வட்டுவாகல்,முள்ளிவாய்க்கால்,நாயாறு வீதிகளிலும் படையினர் மற்றும் பொலிஸ் சோதனை நிலையங்கள் அமைக்கப்பட்டு படையினர் அத்திய அவசிய தேவைக்காக வீதியால் செல்பவர்களை பதிவு செய்தே செல்ல அனுமதித்து வருகின்றார்கள்.

செ.கீதாஞ்சன்