வவுனியாவில் கேரள கஞ்சா வைத்திருந்த இளைஞர் கைது

வவுனியா பொலிஸ் பிரிவுக்கு உட்பட்ட வவுனியா நகர பஸ்நிலையத்துக்கு அருகாமையில் 2 கிலோ 24 கிராம் கேரள கஞ்சா வைத்திருந்த இளைஞர் ஒருவரை பொலிஸார் இன்று (12) காலை கைது செய்துள்ளனர்.

கைது செய்யப்பட்ட சந்தேக நபர் நெல்லியடி பகுதியைச் சேர்ந்த 25 வயதுடைய இளைஞர் என ஆரம்பகட்ட விசாரணைகளில் இருந்து தெரியவந்துள்ளது.

சந்தேக நபரை நாளை (13) வவுனியா நீதவான் நீதிமன்றில் ஆஜர்படுத்த நடவடிக்கை எடுக்கப்பட்டுள்ளது.