வவுனியாவில் மேலும் 42 பேருக்கு கொரோனா

-க. அகரன்

வவுனியாவில், மேலும் 42 பேருக்கு கொரோனா தொற்று ஏற்பட்டுள்ளதாக, சுகாதார பிரிவினர் தெரிவித்துள்ளனர். 

வவுனியாவில் இனங்காணப்பட்ட கொரோனா தொற்றாளர்களுடன் தொடர்புகளைப் பேணியோர், வவுனியா வைத்தியசாலையில் சிகிச்சைக்காக அனுமதிக்கப்பட்டோர் மற்றும் எழுமாறாக மேற்கொள்ளப்பட்ட பிசிஆர் மற்றும் அன்டிஜன் பரிசோதனையின் முடிவுகள் சில இன்று (09)  வெளியாகின.

அதில் வவுனியா, வவுனியா வடக்கு, செட்டிகுளம், வவுனியா தெற்கு ஆகிய பிரிவுகளை உள்ளடக்கியதாக 42 பேருக்கு கொரோனா தொற்று உறுதி செய்யப்பட்டுள்ளது.

இந்நிலையில், தொற்றாளர்களை தனிமைப்படுத்துவதற்கும் அவர்களுடன் தொடர்புடையவர்களை இனங்காணவும், சுகாதாரப் பிரிவினர் நடவடிக்கை எடுத்துள்ளனர்.