வாள்வெட்டில் ஒருவர் படுகாயம்

-செ.கீதாஞ்சன், சுப்பிரமணியம் பாஸ்கரன்

முல்லைத்தீவு - மாந்தை கிழக்கு, பாண்டியன் குளம், கரும்புள்ளியான் பகுதியில், நேற்று (17) நள்ளிரவு,  இனந்தெரியாத நபர்கள் நடத்திய வாள்வெட்டு தாக்குதலில்  ஒருவர் படுகாயமடைந்துள்ளார். 

கரும்புள்ளியான் பகுதியைச் சேர்ந்த  3 பிள்ளைகளின் தந்தையான செல்வராசா யாதவராசா (வயது 43) என்பவரே படுகாயங்களுக்கியுள்ளார்.

படுகாயமடைந்த நபர், மல்லாவி வைத்தியசாலையில் அனுமதிக்கப்பட்டு, பின்னர் மேலதிக சிகிச்சைகளுக்காக வவுனியா வைத்தியசாலைக்கு மாற்றப்பட்டுள்ளார்.

சம்பவம் தொடர்பாக மேலதிக விசாரணைகளை மல்லாவி பொலிஸார் மேற்கொண்டு வருகின்றனர்.