விபத்தில் சுக்குநூறான கார்

-க. அகரன்

வவுனியாவில், இன்று (09) அதிகாலை இடம்பெற்ற விபத்தில், ஒருவர் படுகாயமடைந்த நிலையில், வவுனியா வைத்தியசாலையில் அனுமதிக்கப்பட்டுள்ளார்.

நுவரெலியாவில் இருந்து யாழ்ப்பாணம் - சாவகச்சேரி நோக்கி பயணித்த கார், அதிகாலை 1 மணியளவில், வவுனியா - தேக்கவத்தை பகுதியில் சென்றுகொண்டிருந்தபோது, வீதி கரையில் இருந்த தொலைபேசி கம்பத்துடன் மோதி விபத்துக்குள்ளானது.

விபத்தில், காரை ஓட்டிய நபர் படுகாயமடைந்த நிலையில், வவுனியா வைத்தியசாலையில் அனுமதிக்கப்பட்டுள்ளார்.

கார் கடுமையான சேதங்களுக்குள்ளாகியுள்ளமை குறிப்பிடத்தக்கது.