வைத்தியரை நியமிக்கக் கோரி மக்கள் போராட்டம்

-செ.கீதாஞ்சன், சண்முகம் தவசீலன்  

முல்லைத்தீவு – புதுக்குடியிருப்பு, தேவிபுரம் ஆரம்பச் சுகாதார வைத்திய நிலையத்துக்கு நிலையான வைத்தியர் ஒருவரை நியமிக்கக் கோரி, அப்பகுதி மக்களால், இன்று (03) கவனயீர்ப்புப் போராட்டமொன்று முன்னெடுக்கப்பட்டது.

இதன்போது ஊடகங்களுக்குக் கருத்துரைத்த ஆர்ப்பாட்டக்காரர்கள், குறித்த  ஆரம்பச் சுகாதார வைத்திய நிலையத்தில், நாள்தோறும் 50க்கும் மேற்பட்ட நோயாளர்கள் சிகிச்சை பெற்று வருகின்றார்களெனவும் இந்நிலையில், ஜனவரி மாத தொடக்கத்தில் இருந்து, வைத்தியர்கள் எவரும் இல்லாத நிலை காணப்படுவதாகவும் சுட்டிக்காட்டினர்.

எனவே சம்பந்தப்பட்ட அதிகாரிகள், வைத்தியரை நியமிப்பதற்கான நடவடிக்கைகளை எடுக்க வேண்டுமெனவும், ஆர்ப்பாட்டக்காரர்கள் கோரிக்கை விடுத்தனர்.