மாவா பாக்குடன் இளைஞன் கைது

யாழ்ப்பாணம், குருநகர் பகுதியில்  100 கிராம் மாவா பாக்கு, உடைமையில் வைத்திருந்த ஒருவர் கைது செய்யப்பட்டதாக பொலிஸார்  தெரிவித்தனர். 

ஆறு கால் மடம் பகுதியை சேர்ந்த 19 வயதுடைய இளைஞனே இவ்வாறு கைது செய்யப்பட்டுள்ளார்.

யாழ்ப்பாணம் மாவட்ட சிரேஷ்ட பொலிஸ் அதிகாரியின் தலைமையில் இயங்கும் யாழ். மாவட்ட பொலிஸ் புலனாய்வு பிரிவினருக்கு கிடைத்த தகவலுக்கமைய மேற்கொண்ட சுற்றிவளைப்பின் போதே குறித்த நபர் கைது செய்யப்பட்டுள்ளனர்.

கைது செய்யப்பட்ட நபருக்கு எதிராக யாழ்ப்பாணம் நீதவான் நீதிமன்றத்தில் வழக்கு தாக்கல் செய்ய நடவடிக்கை எடுக்கப்பட்டுள்ளது.

செந்தூரப் பிரதீபன்