அமைச்சர் நிமால் சிறிபால டி சில்வா அம்பாறை மாவட்டத்திற்கு விஜயம்

(எம்.சி.அன்சார்)

நீர்ப்பாசன மற்றும் நீர் முகாமைத்துவ அமைச்சர் நிமால் சிறிபால டி சில்வா இன்று அம்பாறை மாவட்டத்திற்கு விஜயம் செய்தார்.

அமைச்சர் மாவட்டத்தின் பல்வேறு பிரதேசங்களுக்கும் சென்று வெள்ள அனர்த்தத்தினால் பாதிக்கப்பட்ட குளங்கள் மற்றும் அணைக்கட்டுகளையும் பார்வையிட்டார்.

பாதிக்கப்பட்டுள்ள அணைக்கட்டுகளையும் குளங்களையும் புனரமைக்க நடவடிக்கை எடுக்குமாறு உரிய அதிகாரிகளுக்கு பணிப்புரை விடுத்தார்.

அமைச்சருடன், சிரேஷ்ட அமைச்சர் பீ.தயாரட்ன, அமைச்சர் ஏ.எல்.எம்.அதாவுல்ல, நாடாளுமன்ற உறுப்பினர் சிறியாணி விஜேவிக்கிரம, கிழக்கு மாகாண நீர்ப்பாசன அமைச்சர் எம்.எஸ்.உதுமாலெவ்வை, நீர்ப்பாசன மற்றும் நீர்முகாமைத்துவ அமைச்சின் உயர் அதிகாரிகளும் சென்றிருந்தனர்.