வசதி குறைந்த குடும்பங்களுக்கு இலவச குடிநீர் இணைப்புகள் வழங்கி வைப்பு

(ஹனீக் அஹமட்)

அட்டாளைச்சேனை பிரதேச சபையினால் வசதி குறைந்த குடும்பங்களுக்கு இலவச குடிநீர் இணைப்புகள் பெற்றுக் கொடுக்கப்பட்டுள்ளன.

மேற்படி இணைப்புகளுக்கான ஆவணங்களை பயனாளிகளிடம் வழங்கும் நிகழ்வு இன்று புதன்கிழமை பிற்பகல் அட்டாளைச்சேனை பிரதேச சபைக் காரியாலயக் கட்டிடத்தில் இடம்பெற்றது.

அட்டாளைச்சேனைப் பிரதேச தபைத் தவிசாளர் ஏ.எல்.எம். நசீர் தலைமையில் நடைபெற்ற இந் நிகழ்வில்,  பிரதேச சபை உறுப்பினர்களான எஸ்.எல். முனாஸ் மற்றும் ஐ.எல். மனாப் உள்ளிட்ட பலர் கலந்து கொண்டனர்.

இதன்போது, 37 குடும்பங்களுக்கான இலவச குடிநீர் இணைப்புக்குரிய ஆவணங்கள் உரியவர்களிடம் வழங்கப்பட்டன.