மெக்சிகோ தீ விபத்தில் பலி எண்ணிக்கை 30ஆக அதிகரிப்பு

மெக்சிகோவின் வெராகுரூஸ் மாநிலத்தில் உள்ள மதுபானசாலையொன்றில் ஏற்பட்ட தீவிபத்தில் சிக்கி பலியானோர் எண்ணிக்கை 30 ஆக அதிகரித்துள்ளது.

மெக்சிகோ நாட்டின் வெராகுரூஸ் மாநிலத்தில் கோட்சாகோல்காஸ் துறைமுக நகரில் உள்ள மதுபானசாலையொன்றில் கடந்த 27ஆம் திகதி தீவிபத்து ஏற்பட்டது.

தீவிபத்தில் சிக்கி 8 பெண்கள், 15 ஆண்கள் என 23 பேர் பலியானார்கள். மேலும், 13 பேர் படுகாயம் அடைந்து உயிருக்கு ஆபத்தான நிலையில் சிகிச்சை பெற்று வருகின்றனர் என அதிகாரிகள் தெரிவித்தனர்.

இந்தநிலையில், வைத்தியசாலையில் சிகிச்சை பெற்று வந்தவர்களில் 7 பேர் உயிரிழந்துள்ளனர். இதையடுத்து, மதுபானசாலையில் ஏற்பட்ட தீவிபத்தில் சிக்கி பலியானோர் எண்ணிக்கை 30 ஆக அதிகரித்துள்ளதாக அதிகாரிகள் தெரிவித்தனர்.