பதுளை மாவட்ட அணியை அம்பாறை மாவட்ட அணி வென்றது

(எம்.எம்.ஜெஸ்மின் )

ஸ்ரீ லங்கா கிரிக்கெட் ஒழுங்கு செய்திருந்த மாவட்டங்களுக்கிடையிலான 15 வயதுக்குட்பட்டவர்களுக்கான கிரிக்கெட் சுற்றுப்போட்டியில் அம்பாறை மாவட்ட அணி 4 விக்கெட்டுக்களினால் வெற்றியீட்டியது.

பதுளை பொது மைதானத்தில் நடைபெற்ற இப்போட்டியில் முதலில் துடுப்பெடுத்தாடிய பதுளை மாவட்ட அணி 36.3 ஓவர்களில் சகல விக்கெட்டுக்களையும் இழந்து 130 ஓட்டங்களைப் பெற்றது.

பதிலுக்கு துடுப்பெடுத்தாடிய அம்பாறை மாவட்ட அணி 45.3 ஓவர்களில் 6 விக்கெட்டுக்களை இழந்து 133 ஓட்டங்களைப் பெற்று 4 விக்கெட்டுக்களினால் வெற்றி பெற்றது.