வருகிறது சிக்கு…புக்கு…

மதராசப்பட்டினம் என்றும் அழகான படத்தினில் நடித்திருந்த ஆர்யாவின் அடுத்த படமான 'சிக்கு புக்கு' தயாராகிவிட்டது. செப்டெம்பர் முதல் வாரத்தில் திரைக்கு வரவிருக்கும் இந்திரைப்படத்தின் இசை வெளியீடு நாளை மறுதினம் 13ஆம் திகதி வெள்ளிக்கிழமை நடைபெறவுள்ளது.

மறைந்த இயக்குநர் ஜீவாவின் உதவியாளராக இருந்த மணிகண்டன் இந்தப் படத்தினை இயக்குகிறார். மீடியா வன் குளோபல் என்டர்டெயின்மென்ட் நிறுவனம் சிக்குபுக்கு படத்தினை தயாரிக்கிறது. ஆர்யாவுடன் சேர்ந்து ஸ்ரேயா நடிக்கிறார். ‘க்ளோனியல் கஸின்ஸ்’ குழுவின் ஹரிஹரன், லெஸ்லி ஆகியோர் இசையமைக்கிறார்கள். மொத்தமாக 7 பாடல்கள் இப்படத்தில் இடம்பிடித்திருக்கின்றன. அதில் இரண்டு பாடல்களையும் பின்னணி இசையினையும் ஏ.ஆர்.ரஹ்மானின் உதவியாளராக இருந்த பிரவின்மணி உருவாக்கியிருக்கிறார்.

எந்திரன் படத்தின் இசை விற்பனையில் சாதனை படைத்த திங் மியூசிக் நிறுவனமே சிக்கு புக்கு படத்தின் பாடல்களையும் வெளியிடுகின்றமை சிறப்பானதாகும்.