'கச்சதீவு ஒப்பந்தத்தில் மாற்றமில்லை'

கச்சதீவு ஒப்பந்தத்தில் மாற்றம்  செய்வது சாத்தியமில்லை என பாரதீய ஜனதா கட்சியின் தேசிய செயலாளர் எச்.ராஜா தெரிவித்துள்ளார்.

தேவகோட்டையில் வியாழக்கிழமை நடைபெற்ற பா.ஜ.க மாவட்ட செயற்குழு கூட்டத்துக்குப்பின் செய்தியாளர்களிடம் கருத்து தெரிவிக்கையில் அவர் இவ்வாறு கூறியுள்ளார். 

'தமிழக மீனவர்கள் கைது செய்யப்படுவது குறித்து மத்திய அரசு இலங்கை அரசுடன் பேசிவருகிறது. அதுவரை இந்திய மீனவர்கள் பொறுத்திருக்க வேண்டும்.

மழைக்கால கூட்டத்தொடரில் இரு அவைகளிலும் சட்டதிருத்தம் நிறைவேற்றப்படும். அதனால் வரவிருக்கும் பொங்கல் தமிழக மக்களுக்கு இனிப்பான பொங்கலாக இருக்கும்' என தெரிவித்துள்ளார்.