2020 செப்டெம்பர் 20, ஞாயிற்றுக்கிழமை

ஜி - 15 நாடுகளின் தலைமை பதவி ஜனாதிபதியினால் பொறுப்பேற்பு

Super User   / 2010 மே 17 , மு.ப. 10:46 - 0     - {{hitsCtrl.values.hits}}

ஜி - 15 நாடுகளின் தலைமைப் பதவி சற்று நேரத்துக்கு முன்னர் ஜனாதிபதி மஹிந்த ராஜபக்ஸவினால் பொறுப்பேற்கப்பட்டது. ஈரானிய ஜனாதிபதி அஹமதி நிஜாட்டினாலேயே இந்தப் பதவி கையளிக்கப்பட்டது என்று ஜனாதிபதி செயலகம் தெரிவித்தது.

ஈரானின் தெஹ்ரான் நகரில் தற்போது இடம்பெற்றுவரும்  ஜி - 15 நாடுகளின் உச்சி மாநாட்டின் போதே ஜனாதிபதி மஹிந்த ராஜபக்ஸவினால் பதவி பொறுப்பேற்கப்பட்டது என்றும் ஜனாதிபதி செயலகம் தெரிவித்தது. 

ஜனாதிபதி மஹிந்த ராஜபக்ஸ உட்பட 18 நாடுகளின் தலைவர்கள் கலந்து கொண்டுள்ள இம்மாநாட்டின்போது நாடுகளிற்கு இடையிலான நல்லுறவு, அபிவிருத்தி மற்றும் சர்வதேச விவகாரம் சம்பந்தமாக கலந்துரையாடப்படுகின்றது.

ஜி - 15 நாடுகள் அமைப்பில் ஈரான் , அல்ஜீரியா ஆர்ஜென்டினா, பிரேசில் சிலி, எகிப்து, இந்தியா, இந்தோனேஷியா, ஜமைக்கா, கென்யா, நைஜீரியா, மலேசியா, மெக்ஸிக்கோ, பெரு, செனகல், இலங்கை மற்றும் சிம்பாவ்வே ஆகிய நாடுகள் அங்கம் வகிக்கின்றமை குறிப்பிடத்தக்கது.


  Comments - 0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .

--