கரடியனாற்றில் பாதிக்கப்பட்டவர்களை பிரதமர் பார்வையிட்டார்

                                                                   (றிபாயா நூர்)

கரடியனாறு பொலிஸ் நிலைய நிலையத்தில் இடம்பெற்ற வெடிப்பு சம்பவத்தில் காயமடைந்தவர்களை பிரதமர் தி.மு.ஜயரட்ன  இன்று வெள்ளிக்கிழமை  மாலை மட்டக்களப்பு போதனா வைத்தியசாலைக்குச் சென்று பார்வையிட்டார்.

வெடிப்புச் சம்பவத்தில் காயமடைந்தவர்களுக்குத் தேவையான அனைத்து வசதிகளையும் செய்து கொடுக்குமாறு வைத்தியசாலை அதிகாரிகளுக்கு பிரதமர் உத்தரவிட்டார்.

அத்துடன் சம்பவத்தில் மரணமடைந்தவர்களின் குடும்பங்களுக்கு ஆழ்ந்த அனுதாபங்களைத் தெரிவித்த பிரதமர் தி.மு. ஜயரட்ன, இதில் உயிரிழந்த மற்றும் காயமடைந்தவர்களின் குடும்பங்களுக்கு இழப்புக் கொடுப்பனவு வழங்கப்படுமென குறிப்பிட்டார்.

பிரதமருடன் சீனாத் தூதுவர் யங் க்சூப்பிங் மற்றும் மற்றும் சீன  தூதரக அதிகாரிகள், பொலிஸ் மா அதிபர் மஹிந்த பாலசூரிய, மட்டக்களப்பு மாவட்ட அரசாங்க அதிபர் சுந்தரம் அருமைநாயகம், கிழக்கு மாகாண பிரதி பொலிஸ் மா அதிபர் எடிசன்
குணதிலக ஆகியோரும் அங்கு சென்றனர்.

வெடிப்பு சம்பவம் இடம்பெற்ற இடத்திற்குபிரதமர்   நேரடியாக சென்று பார்வையிட்டார்.
இதன் போது சம்பவம் தொடர்பான முழு அறிக்கையொன்றை சமர்ப்பிக்குமாறு பொலிஸ் மா அதிபருக்கு பிரதமர் உத்தரவிட்டார்.

பிரதமருடன் அரசாங்க பகுப்பாய்வு திணைக்கள அதிகாரிகளும் சமூகமளித்திருந்தனர்.(படங்கள்:றிபாயா நூர், பிரதீப் பத்திரன)